ალტე უნივერსიტეტის მედიცინის საერთაშორისო სკოლის კურსდამთავრებულებმა FMGE (Foreign Medical Graduate Examination) 2025-ის გამოცდაზე მნიშვნელოვანი წარმატება მოიპოვეს და კიდევ ერთხელ დაადასტურეს უნივერსიტეტის მაღალი აკადემიური სტანდარტები საერთაშორისო სამედიცინო განათლების მიმართულებით.
2025 წლის შედეგების მიხედვით, ალტე უნივერსიტეტის კურსდამთავრებულების ჩაბარების მაჩვენებელი 48.77%-ს შეადგენს, რაც ინდოეთის ეროვნული საშუალო მაჩვენებლის - დაახლოებით 23%-ის - ორჯერ მეტია. ამავე დროს, უნივერსიტეტის შედეგები მნიშვნელოვნად გაუმჯობესდა წლის განმავლობაში: ივნისის სესიაზე დაფიქსირებული 40%-იანი მაჩვენებელი დეკემბერში 48.77%-მდე გაიზარდა.
განსაკუთრებით აღსანიშნავია, რომ შედეგების გაუმჯობესება კანდიდატთა რაოდენობის ზრდის პარალელურად მოხდა. თუ ივნისში გამოცდაზე ალტე უნივერსიტეტის 60 კურსდამთავრებული გავიდა, დეკემბერში მათი რაოდენობა 162-მდე გაიზარდა. წარმატებით ჩაბარებული კანდიდატების რაოდენობაც 24-დან 79-მდე გაიზარდა, რაც უნივერსიტეტის აკადემიური პროგრესისა და სტუდენტების მომზადების ხარისხის კიდევ ერთი მნიშვნელოვანი დასტურია.
FMGE 2025-ის დეკემბრის სესიის შედეგებით, ალტე უნივერსიტეტის მაჩვენებელი საქართველოს საშუალო შედეგს 16.41 პროცენტული პუნქტით აღემატება. იმ ქართულ უნივერსიტეტებს შორის, რომელთა გამოცდაში მონაწილე კანდიდატების რაოდენობა 20-ს აღემატებოდა, ალტე უნივერსიტეტი ჩაბარების მაჩვენებლით მეორე ადგილზე გავიდა. ამავე პერიოდში უნივერსიტეტმა წარმატებით ჩაბარებული კანდიდატების რაოდენობის მიხედვით დაახლოებით მე-12 პოზიციიდან მე-4 ადგილზე გადაინაცვლა.
NBEMS-ის ოფიციალური მონაცემების ანალიზის საფუძველზე, მინიმუმ 20 კანდიდატის კრიტერიუმის გათვალისწინებით, ალტე უნივერსიტეტი FMGE 2025-ის შედეგებით მე-17 ადგილს იკავებს მსოფლიოში, რაც მას მსოფლიოს Top 20 უნივერსიტეტს შორის მოაზრების საფუძველს აძლევს.
ალტე უნივერსიტეტის მედიცინის საერთაშორისო სკოლა სტუდენტებს თანამედროვე, პრაქტიკაზე ორიენტირებულ სამედიცინო განათლებას სთავაზობს. სასწავლო პროცესი აერთიანებს საერთაშორისო სტანდარტების შესაბამის აკადემიურ პროგრამებს, კლინიკურ პრაქტიკას და მრავალფეროვან საერთაშორისო გარემოს, სადაც დღეს 50-ზე მეტი ქვეყნის სტუდენტი სწავლობს.
FMGE-ის შედეგები კიდევ ერთხელ ადასტურებს, რომ ალტე უნივერსიტეტი მომავალ ექიმებს არა მხოლოდ ხარისხიან განათლებას აძლევს, არამედ წარმატებული საერთაშორისო პროფესიული კარიერისთვის საჭირო ცოდნითა და უნარებითაც ამზადებს.
FMGE 2025 – ძირითადი მაჩვენებლები
• ჩაბარების მაჩვენებელი - 48.77%;
• ივნისი 2025 - 40.00%;
• დეკემბერი 2025 - 48.77%;
• წარმატებული კანდიდატების რაოდენობა - 79;
• გამოცდაზე გასული კანდიდატების რაოდენობა - 162;
• საქართველოს საშუალო მაჩვენებელი - 32.36%;
• ინდოეთის ეროვნული საშუალო მაჩვენებელი - დაახლოებით 23%;
• #2 ადგილი საქართველოში ჩაბარების მაჩვენებლით;
• Top 20-ში მსოფლიოში FMGE-ის შედეგების მიხედვით.
შეისწავლე მედიცინა ალტე უნივერსიტეტში და მოემზადე გლობალური სამედიცინო კარიერისთვის!
