მედიცინა მეცნიერული ცოდნის, ტექნოლოგიებისა და პრაქტიკულ ღონისძიებათა სისტემაა, რომელიც მიზნად ისახავს ადამიანის დაავადებათა დიაგნოსტირებას, მკურნალობასა და პროფილაქტიკას, მისი ჯანმრთელობისა და შრომისუნარიანობის შენარჩუნებას, გაუმჯობესებასა და სიცოცხლის გახანგრძლივებას. ამდენად ის უმნიშვნელოვანესი დარგია, რომელიც მუდმივად საჭიროებს გამოცდილ და პროფესიონალ კადრს, რომელიც დროის ნებისმიერ მონაკვეთში მზად არის იყოს სხვისი სიცოცხლის სადარაჯოზე.
მედიცინის საერთაშორისო სკოლა ქართველ და საერთაშორისო სტუდენტებს სთავაზობს სამ პროგრამას: მედიცინა (ქართულენოვანი), მედიცინა (ინგლისურენოვანი) და სტომატოლოგია (ინგლისურენოვანი).
მედიცინის ერთსაფეხურიანი საგანმანათლებლო პროგრამა აკრედიტებულია ეროვნული აკრედიტაციის სტანდარტების და მედიცინის უმაღლესი განათლების დარგობრივი მახასიათებლის მიხედვით, რომლებიც თავის მხრივ შესაბამისობაშია სამედიცინო განათლების მსოფლიო ფედერაციის (WFME) სამედიცინო სტანდარტებთან. მედიცინის სკოლა არის ევროპის სამედიცინო განათლების ასოციაციის (AMEE) წევრი. პროგრამა ასევე აღიარებულია ინდოეთის სამედიცინო საბჭოს მიერ (NMC).
ალტე უნივერსიტეტის მიერ გაცემული დიპლომი კი აღიარებულია მსოფლიო მასშტაბით - ევროპაში, აზიასა და ამერიკაში.
პროგრამების სწავლების ენა არის ინგლისური.
დიპლომირებული მედიკოსის აკადემიური ხარისხის მქონე პირს შეუძლია გააგრძელოს სწავლა დოქტორანტურაში ან გაიაროს რეზიდენტურის კურსი (ან უცხოეთში შესაბამისი ქვეყნის კანონმდებლობით გათვალისწინებული რეზიდენტურასთან გათანაბრებული კურსი) და უნიფიცირებული სახელმწიფო გამოცდის ჩაბარების შემთხვევაში, მიიღოს დამოუკიდებელი საექიმო საქმიანობის უფლება.
დეტალური ინფორმაცია საერთაშორისო სტუდენტების მიღების წესებთან დაკავშირებით შეგიძლიათ იხილოთ ბმულზე
