ეროვნული და საერთაშორისო უსაფრთხოების სამაგისტრო პროგრამა ალტე უნივერსიტეტის ჰუმანიტარულ და სოციალურ მეცნიერებათა სკოლაში შემავალი პროგრამაა. სკოლის მიზანია სტუდენტს მისცეს ფართო და სიღრმისეული თეორიული ცოდნა და ასევე, გამოუმუშავოს ყველა ის პრაქტიკული უნარ-ჩვევა, რაც აუცილებელია პროფესიული წარმატების მისაღწევად.

აღნიშნულ სამაგისტრო პროგრამას საქართველოში ანალოგი არ გააჩნია.იგი ეფუძნება დასავლეთის წამყვანი უნივერსიტეტების მსგავსი პროგრამების გამოცდილებას და უსაფრთხოების საკითხებთან ერთად, მოიცავს პოლიტიკური იდეოლოგიების, ლიდერობისა და ეკონომიკის სწავლების კომპონენტებსაც. კურსდამთავრებულს აქვს შესაძლებლობა კარიერა გააგრძელოს, როგორც საჯარო (საგარეო საქმეთა სამინისტრო, საელჩოები და სხვა) დაწესებულებებში, ასევე, არასამთავრობო, საერთაშორისო, შესაბამისი პროფილის კვლევით ორგანიზაციებსა და კერძო კომპანიებში. იგი შეძლებს დასაქმდეს დიპლომატის, საერთაშორისო უსაფრთხოების სპეციალისტის, საერთაშორისო ანალიტიკოსის, გლობალური პოლიტიკის მკვლევარის, საერთაშორისო ბიზნეს კონსულტანტის, სტრატეგიული კომუნიკაციების სპეციალისტისა და სხვა მიმართულებით.

პროგრამის მიზანია:

სტუდენტს მისცეს თანამედროვე იურიდიული განათლება და შესძინოს სამართლის სფეროს ღრმა და სისტემური ცოდნა სამართლის სისტემათა შედარების საფუძველზე;
გამოუმუშავოს მიღებული ცოდნის პრაქტიკულ საქმიანობაში ეფექტურად გამოყენების და სამართლებრივი პრობლემების სამართლიანად დაბალანსების გზით ორიგინალურად გადაწყვეტის უნარი;
განუვითაროს საკანონმდებლო ნოვაციების, თამანედროვე სასამართლო პრაქტიკის და მეცნიერული სიახლეების ანალიზის და სამართლებრივი საქმიანობის რაციონალურად წარმართვის უნარი;
გამოუმუშავოს დამოუკიდებლად მეცნიერული კვლევის დაგეგმვისა და განხორციელების უნარი;
განუვითაროს აკადემიური და პრო¬ფესიული საზოგადოებისათვის საკუთარი სამართლებრივი მოსაზრებების და არგუმენტების გაზიარების უნარი ეთიკური სტანდარტების გათვალისწინებით;
სტუდენტმა გაიაზროს სამართლებრივი ღირებულებების მნიშვნელობა სამართალწარმოების პროცესში
სტუდენტმა დამოუკიდებლად წარმართოს ცოდნის და უნარების შემდგომი სრულყოფის პროცესი.

სწავლის მეთოდები

პროგრამა ხორციელდება სწავლის ისეთი მეთოდების გამოყენებით, როგორიცაა ლექცია, ახსნა-განმარტება, ანალიზი, გონებრივი იერიში, დისკუსია/დებატები, დედუქციური და ინდუქციური მეთოდები, შემთხვევის ანალიზი, შედარებით-ისტორიული ანალიზი, პრობლემაზე დაფუძნებული სწავლება (PBL), ქმედებაზე ორიენტირებული სწავლება, თანამშრომლობითი სწავლება, ჯგუფური მუშაობა, როლური და სიტუაციური თამაშები, პრეზენტაცია და სხვა.

სწავლის შედეგები

ტრადიციული და ინოვაციური სწავლების მეთოდების გამოყენების გზით, უსაფრთხოების სფეროში, მაღალკვალიფიციური, კონკურენტუნარიანი, შრომის ბაზრის მოთხოვნების შესაბამისი კადრების მომზადება;
სტუდენტებმა შეისწავლონ ეროვნულ და საერთაშორისო უსაფრთხოებასთან დაკავშირებული ფუნდამენტური საკითხები და შეიძინონ სფეროში საქმიანობის პრაქტიკული უნარ-ჩვევები;
სწავლების ჰოლისტიკური და მულტისექტორული მიდგომის გზით, სტუდენტებმა განსაზღვრონ და გააანალიზონ ეროვნული უსაფრთხოების პოლიტიკის შექმნისა და წარმოების უმნიშვნელოვანესი კომპონენტები;
სტუდენტებმა გააცნობიერონ უსაფრთხოების სექტორის როლი სახელმწიფოს მართვის სისტემაში;
სტუდენტებმა გააცნობიერონ და შეისწავლონ უსაფრთხოების სფეროში გადაწყვეტილების მიღების პროცესის ფორმალური და შინაარსობრივი კომპონენტები, სისტემის მართვის რგოლები და ფუნდამენტური დოკუმენტები;
სტუდენტებს ჩამოუყალიბდეთ სტრატეგიული აზროვნება;
სტუდენტემბა განსაზღვრონ და გააანალიზონ ეროვნული და საერთაშორისო უსაფრთხოების სისტემის წინაშე არსებული ტრადიციული და თანამედროვე რისკები და საფრთხეები და გააცნობიერონ რისკების მართვისა და გამოწვევებთან გამკლავების მექანიზმები;სტუდენტებმა შეძლონ, საქართველოს უსაფრთხოების გარემოს შეფასება და ანალიზი;
სტუდენტებმა გაიაზრონ გადაწყვეტილების მიღების პროცესში ეთიკური სტანდარტების, ანგარიშვალდებულებისა და პასუხისმგებლობის დაცვისა და პატივისცემის მნიშვნელობა.

პროგრამა გთავაზობთ:

თანამედროვე მიდგომებზე დაფუძნებულ და ინდივიდუალურ ინტერესებზე მორგებულ სასწავლო პროგრამას (ქართულ და ინგლისურ ენაზე);
დასაქმების ან კარიერული წინსვლის ხელშეწყობას უნივერსიტეტის დამფუძნებლების, მრჩეველთა საბჭოსა (Advisory Board) და 200-ზე მეტი პარტნიორი ორგანიზაციის კონტაქტების ქსელის საშუალებით;
მაღალი კვალიფიკაციის მქონე ქართველი და უცხოელი პრაქტიკოსი ლექტორებისა და დარგის წამყვანი სპეციალისტების მიერ ჩატარებულ ლექციებს;
გაცვლით პროგრამებში მონაწილეობას;
სამეცნიერო კვლევებში ჩართვას;

შენიშვნა: მიმდინარე სასწავლო წელს აღნიშნულ პროგრამაზე მიღება არ ხორციელდება

სამაგისტრო პროგრამები