უსკიუდარის უნივერსიტეტი, თურქეთში პირველი უნივერსიტეტია, რომელიც სპეციალიზირებულია ქცევითი და ჯანმრთელობის მეცნიერებებში. მას აქვს 400-ზე მეტი Erasmus-ის ხელშეუკრულება ევროკავშირის 20-ზე მეტ ქვეყანაში და სულ 412 საერთაშორისო უნივერსიტეტის პარტნიორია.
უნივერსიტეტი მართავს 39 კვლევით და გამოყენებით ცენტრს და 86 მოწინავე ლაბორატორიას, მათ შორის სასამართლო ექსპერტიზის, ბიოსამედიცინო, კოგნიტური ნეირომეცნიერებისა და სამედიცინო გენეტიკის კვლევის ობიექტებს. 2024 წელს, Erasmus+ KA171 მობილობის მიხედვით, ის თურქეთის ძირითად უნივერსიტეტებს შორის მესამე ადგილზე იყო, რაც ხაზს უსვამს მის ძლიერ საერთაშორისო პოზიციას.
ალტე უნივერსიტეტსა და უსკიუდარის უნივერსიტეტს შორის ურთიერთთანამშრომლობის მემორანდუმია გაფორმებული. თანამშრომლობა საერთაშორისო გამოცდილების მიღების კუთხით მრავალმხრივ შესაძლებლობებს სთავაზობს სტუდენტებს, აკადემიურ და ადმინისტრაციულ პერსონალს, კერძოდ:გაცვლითი პროგრამების, ერთობლივი კვლევითი პროექტების ორგანიზებას, სასწავლო მასალებისა და ლიტერატურის გაცვლას, ერთობლივი პროგრამების განვითარებას.
