პროექტი „სამედიცინო ტექნოლოგიები სკოლებში“ შოთა რუსთაველის ფონდის მხარდაჭერით ალტე უნივერსიტეტის ციფრული ტრანსფორმაციის ცენტრისა და მედიცინის სკოლის მიერ განხორციელდა, მეცნიერების პოპულარიზაციისთვის მიზნობრივი გრანტის ფარგლებში.
პროექტის ფარგლებში 10 საჯარო სკოლის 50 მოსწავლე გაეცნო თანამედროვე სამედიცინო და ბიოტექნოლოგიების უახლეს მიღწევებს. მონაწილეებმა შეისწავლეს სამედიცინო სატარებელი მოწყობილობების შექმნის საფუძვლები, რის შემდეგაც თავად შექმნეს ტექნოლოგიური პროექტები.
კონფერენციაზე ჟიურიმ შეაფასა მოსწავლეთა გუნდური ნამუშევრები და გამოავლინა სამი გამარჯვებული.
პროექტში მონაწილე სკოლებს საჩუქრად გადაეცათ არდუინოს ნაკრებები.
