გაცნობებთ, რომ განაცხადების მიღება ალტე უნივერსიტეტის აკადემიური პერსონალისთვის განკუთვნილ 2025–2026 სასწავლო წლის საერთაშორისო მობილობებზე იწყება.
კონკურსი გამოცხადებულია ორ პარტნიორ უნივერსიტეტში:
1. სასწავლო მობილობა – Pomeranian University in Słupsk (პოლონეთი)
პარტნიორი უნივერსიტეტი იწვევს ალტე უნივერსიტეტის აკადემიურ პერსონალს Erasmus+ სასწავლო მობილობის ფარგლებში. შერჩეულ კანდიდატებს შესაძლებლობა ექნებათ 5 სამუშაო დღე (ორშაბათიდან პარასკევის ჩათვლით) გაატარონ მასპინძელ უნივერსიტეტში და ჩაატარონ სულ მცირე 8 საათის ლექციები.
- ვაკანტური ადგილები: 2
- გრანტის ოდენობა ერთ მონაწილეზე: 1,340 ევრო
- შესაბამისი აკადემიური მიმართულებები: სამართალი, მენეჯმენტი და ადმინისტრირება, ტურიზმი და დასვენება, ინფორმაციული ტექნოლოგიები, მედიცინა
- განაცხადის წარდგენის ბოლო ვადა: 10/08/2025
2. ERASMUS+ STAFF TRAINING WEEK (STW) 2025– EKA University of Applied Sciences (ლატვია) 2025 წლის 15–19 სექტემბერს EKA University of Applied Sciences მასპინძლობს EKA RESEARCH WEEK-ს, რომელიც ეძღვნება კვლევით პროცესში ჩართული პერსონალის საერთაშორისო ტრენინგს.
- ვაკანტური ადგილები: 3
- გრანტის ოდენობა: TBD
- მონაწილეობის კრიტერიუმები:
- ინგლისური ენის ფლობა მინიმუმ B2 დონეზე
- კვლევითი ინტერესების შესაბამისობა EKA-ს სამეცნიერო მიმართულებებთან
- ბოლო 5 წლის განმავლობაში გამოქვეყნებული მინიმუმ 3 სამეცნიერო პუბლიკაცია (სასურველია Scopus/WoS ინდექსირებული), DOI ან ბმულის მითითებით
- განაცხადის წარდგენის ბოლო ვადა (ალტე უნივერსიტეტში): 22/08/2025
განაცხადის ფორმატისა და შერჩევის პროცესი
ყველა დაინტერესებულმა კანდიდატმა უნდა გაიაროს შიდა რეგისტრაცია ალტე უნივერსიტეტში დადგენილ ვადებში და წარადგინოს შემდეგი დოკუმენტები (ინგლისურ ენაზე, PDF ფორმატში):
- რეზიუმე (CV)
- ლექცია/სემინარების თემატიკა და აბსტრაქტები (მაქს. 2 გვერდი)
- პასპორტის ასლი
- ინგლისური ენის ცოდნის დამადასტურებელი დოკუმენტაცია (მინიმუმ B2 დონე – CEFR) დოკუმენტის არ ფლობის შემთხვევაში, პერსონალისთვის ენის კომპეტენცია შესაძლოა დადასტურდეს პროფესიული გამოცდილებით ან გასაუბრებით.
*გთხოვთ გაითვალისწინოთ: მხოლოდ შერჩეული კანდიდატები, რომელთა პროფესიული პროფილი სრულად შეესაბამება პარტნიორი უნივერსიტეტების მოთხოვნებს, მიიღებენ მოწვევას მასპინძელი უნივერსიტეტიდან.
წარდგენილი განაცხადები შეფასდება ალტე უნივერსიტეტის შიდა შერჩევის კომისიის მიერ შემდეგი კრიტერიუმების მიხედვით:
- მოტივაცია - 30 ქულა,
- რეზიუმე - 20 ქულა,
- რეკომენდაცია - 20 ქულა,
- ენობრივი კომპეტენცია - 20 ქულა,
- ალტე უნივერსიტეტს ფარგლებში მისი პოზიციით განსაზღვრული ფუნქციების მიღმა განხორციელებული ექსტრაკურიკულური/მოხალისეობრივი აქტივობები - 10 ქულა (ჯამში 100 ქულა).
საბოლოო გადაწყვეტილებას კანდიდატების მიღებასთან დაკავშირებით იღებს მასპინძელი უნივერსიტეტი.
დამატებითი კითხვების ან რეგისტრაციის მიზნით, გთხოვთ, მიმართოთ საერთაშორისო ურთიერთობების სამსახურს: international@alte.edu.ge
