ალტე უნივერსიტეტმა ვაშინგტონის სახელმწიფო უნივერსიტეტის (WSU) ასოცირებულ პროფესორსა და ლუქს-მასპინძლობის საერთაშორისო ექსპერტს - დიპრა ჯას უმასპინძლა.
ვიზიტის ფარგლებში, დიპრა ჯა ალტე უნივერსიტეტის ადმინისტრაციულ პერსონალს შეხვდა, სადაც მხარეებმა ტურიზმის სფეროში საქართველო-აშშ-ის თანამშრომლობასა და ერთობლივი პროექტების განხორციელების შესაძლებლობებზე ისაუბრეს
პროფესორმა სტუდენტებისთვის, აკადემიური და ადმინისტრაციული პერსონალისთვის ჩაატარა ღია სემინარი თემაზე: “Current Trends and Challenges in Tourism and Hospitality“. შეხვედრაზე დიპრა ჯამ განიხილა ტურიზმისა და სტუმართმასპინძლობის სექტორის უახლესი გლობალური ტენდენციები, ინდუსტრიაში არსებული თანამედროვე გამოწვევები და სფეროს განვითარების სამომავლო პერსპექტივები.
