ჩუნგნამის ეროვნული უნივერსიტეტი არის ერთ-ერთი წამყვანი საჯარო კვლევითი უნივერსიტეტი სამხრეთ კორეაში, რომელიც დაარსდა 1952 წელს და მდებარეობს დეჯონში. უნივერსიტეტი გამოირჩევა ძლიერი აკადემიური და კვლევითი გარემოთი, განსაკუთრებით მეცნიერებისა და ტექნოლოგიების მიმართულებით. სტუდენტზე ორიენტირებული სწავლებისა და ინოვაციური ინფრასტრუქტურის საფუძველზე, უნივერსიტეტი აქტიურად უწყობს ხელს რეგიონულ და ეროვნულ განვითარებას, ასევე საერთაშორისო თანამშრომლობას.
ალტე უნივერსიტეტსა და ჩუნგნამის ეროვნულ უნივერსიტეტს შორის ურთიერთთანამშრომლობის მემორანდუმია გაფორმებული. თანამშრომლობა საერთაშორისო გამოცდილების მიღების კუთხით მრავალმხრივ შესაძლებლობებს სთავაზობს სტუდენტებს, აკადემიურ და ადმინისტრაციულ პერსონალს, კერძოდ:გაცვლითი პროგრამების, ერთობლივი კვლევითი პროექტების ორგანიზებას, სასწავლო მასალებისა და ლიტერატურის გაცვლას, ერთობლივი პროგრამების განვითარებას.
