*2026-2027 აკადემიურ წელს პროგრამაზე მიღება არ ხორციელდება

საქართველოს ეკონომიკისთვის ტურიზმს, სხვა დაბალშემოსავლიანი ქვეყნების მსგავსად, განსაკუთრებული მნიშვნელობა აქვს, რადგან მას დიდი წვლილი მიუძღვის ქვეყნის წინსვლასა და განვითარებაში.

ტურიზმის, როგორც სპეციალობის აქტუალობა განპირობებულია, პირველ რიგში, თავად სფეროს როგორც გლობალური, ისე ეროვნული მნიშვნელობით და მეორე მხრივ, კონკურენტუნარიანი კადრების ნაკლებობით, რაც დღესდღეობით დიდი მნიშვნელობის მატარებელია ჩვენი ქვეყნისთვის.

პროგრამის მიზანი:

ალტე უნივერსიტეტის ტურიზმის საბაკალავრო პროგრამა ორიენტირებულია, როგორც ადგილობრივი, ისე საერთაშორისო შრომის ბაზარზე ტურიზმის ინდუსტრიაში მოღვაწე გლობალურად კონკურენტული და მაღალკვალიფიციური სპეციალისტების (ბაკალავრების) მომზადებაზე, რომელთაც ექნებათ „მოგზაურობა, ტურიზმისა და დასვენების“ სფეროში წარმატებული საქმიანობისათვის აუცილებელი ცოდნა, პრაქტიკული უნარები და კომპეტენციები, რის შედეგადაც სტუდენტები შეძლებენ ტურიზმის სფეროში სიახლეების დანერგვასა და ქვეყანაში მისი განვითარების ხელშეწყობას.
პროგრამა ამზადებს განვითარებაზე ორიენტირებულ, ანტრეპრენორული და სისტემური აზროვნების მქონე ბაკალავრს, რომელსაც შეუძლია შექმნას და გააფართოვოს საკუთარი ან სხვისი ბიზნესი. აღსანიშნავია, რომ ტურიზმის საბაკალავრო პროგრამით განსაზღვრული სასწავლო კურსები ემყარება დასავლეთის უნივერსიტეტებში აპრობირებულ თემატიკასა და სწავლების მიმართულებებს.

სწავლის მეთოდი:

პროგრამა ხორციელდება Სწავლის ისეთი მეთოდებისგამოყენებით, როგორიცააგონებრივი იერიში, დისკუსია/დებატები, ანალიზი, ვერბალურიგადმოცემა, დედუქციურიდა ინდუქციურიმეთოდები, აუდიო-ლინგვური მეთოდი, მაგალითებისგენერირება, პრაქტიკულიმუშაობა, პრობლემაზედაფუძნებული სწავლება, სიტუაციური თამაშები, ქეისის განხილვა, ქმედებაზე ორიენტირებულისწავლება და სხვა.

პროგრამის ძირითადი ასპექტები:
პროგრამა გთავაზობთ:

ანტრეპრენერობის სპეციფიკის შესწავლას პირველივე სემესტრიდან;
საგნების მრავალფეროვანი არჩევანს, მათ შორის ისეთ საგნებს, როგორიცაა: საინფორმაციო ტექნოლოგიები, ფსიქოლოგიის საფუძვლები, მარკეტინგის საფუძვლები, ტურიზმის საფუძვლები, ტურისტული პროდუქტები და ტრენდები, მომხმარებელთა ქცევა ტურიზმში, ზეპირი და წერითი კომუნიკაცია, მარკეტინგული კვლევის პრინციპები, ტურიზმის პოლიტიკა, ლიდერობა და ორგანიზაციული ქცევა, სტრატეგიული მენეჯმენტი და სხვა;
ინოვაციებისა და მეწარმეობის ცენტრში იდეების გენერირებისა და საკუთარი ბიზნესის დაწყების შესაძლებლობას;
სამეცნიერო კვლევებსა და ანალიტიკურ საქმიანობაში ჩართულობას;
ვორქშოფებს, თემატურ სემინარებს, მოწვეულ სტუმრებთან შეხვედრებს, სამეცნიერო კონფერენციებს, სადისკუსიო ფორუმებს და სხვა;
პრაქტიკას წამყვან ორგანიზაციებში;

სწავლის შედეგები
პროგრამის დასრულების შემდეგ, კურსდამთავრებული შეძლებს:

კრიტიკულად გაიაზროს ბიზნესისა და ეკონომიკის გამოწვევები და შესაძლებლობები ტურიზმის სფეროში, მათ შორის საქართველოს და გლობალური ტურისტული რესურსების პოტენციალი თანამედროვე და კონვენციურ თეორიებსა და პრინციპებზე დაყრდნობით;
მოახდინოს ტურისტულ საქმიანობაში პრობლემების იდენტიფიცირება და ჩამოაყალიბოს რეკომენდაციები გადაჭრის ეფექტიან გზებთან დაკავშირებით (მ.შ. ტურიზმის მდგრადი პოლიტიკის შექმნისა და განვითარების საკითხებზე);
როგორც სტანდარტული, ისე თანამედროვე და ინოვაციური მეთოდებისა და ინსტრუმენტების გამოყენებით, შექმნას და განავითაროს ტურისტული პროდუქტები და მომსახურებები, პროექტები და ღონისძიებები;
შეაფასოს ტურისტული საქმიანობის შიდა და გარე გარემო, ასახოს შიდა ორგანიზაციული, ფინანსური და მარკეტინგული გეგმები ტურისტულ საქმიანობაში არსებული საუკეთესო პრაქტიკების ჭრილში; ეფექტურად ჩამოაყალიბოს და გადმოსცეს აზრი წერითი და ზეპირი კომუნიკაციის და კომუნიკაციისთვის კონტექსტის შესაფერისი ტექნოლოგიების გამოყენებით;
უზრუნველყოს საერთო მიზნის მიღწევა ეფექტიანი გუნდური მუშაობით, სამუშაოს კეთილგონივრული გადანაწილებითა და პირადი და სხვების პროფესიული განვითარების დაგეგმვით, გუნდის წევრებზე გავლენით, სხვისი აზრის პატივისცემით;
გაიაზროს მდგრადი ტურიზმის გლობალური, რეგიონული, ადგილობრივი სოციალურ-ეკონომიკური კონტექსტი და იმოქმედოს ეთიკურად და მაღალი პასუხისმგებლობით;
იაზროვნოს კრიტიკულად და არგუმენტირება მოახდინოს ინფორმაციის, მონაცემების, ფაქტებისა და წყაროების ანალიზის საფუძველზე;

პროგრამის შესახებ დეტალური ინფორმაციის მისაღებად, გაიარე რეგისტრაცია ბმულზე: https://shorturl.at/Wl97o

ტურიზმის პროგრამა