ნაბიჯი 1: მოამზადეთ საჭირო დოკუმენტები
აპლიკაციის განხილვის პროცესის დასაწყებად აუცილებელია 250 აშშ დოლარის ოდენობის არდაბრუნებადი აპლიკაციის საფასურის გადახდა (გადახდის ინსტრუქციები იხილეთ შესაბამის ბმულზე) და შემდეგი დოკუმენტების წარმოდგენა:
- მოქმედი პასპორტის ასლი;
- ბოლო დროინდელი ფოტო (3x4 ფორმატი);
- საშუალო განათლების ატესტატი (ხელმოწერილი და ბეჭედდასმული);
- ინგლისური ენის ცოდნის დამადასტურებელი სერტიფიკატი (B2 დონე ან უფრო მაღალი, არსებობის შემთხვევაში);
- სრულად შევსებული აპლიკაციის ფორმა.
ნაბიჯი 2: დოკუმენტების გაგზავნა
ყველა დოკუმენტი წარმოდგენილი უნდა იყოს PDF ფორმატში, ხარისხიანად დასკანერებული, მკაფიო და სრულად წაკითხვადი.
გთხოვთ, დოკუმენტები გამოაგზავნოთ შემდეგ ელექტრონულ მისამართზე: applications@alte.edu.ge
გთხოვთ, ელფოსტას დაურთოთ:
- შევსებული აპლიკაციის ფორმა;
- აპლიკაციის საფასურის გადახდის დამადასტურებელი დოკუმენტი.
აპლიკაციის განხილვის პროცესი:
- ყველა საჭირო დოკუმენტის მიღების შემდეგ, აპლიკანტი მიწვეული იქნება მოკლე ონლაინ ინტერვიუზე.
- თუ აპლიკანტს არ აქვს ინგლისური ენის ცოდნის დამადასტურებელი სერტიფიკატი, ინტერვიუს შემდეგ გაეგზავნება ინგლისური ენის შიდა ტესტის ბმული.
- მოთხოვნების წარმატებით დაკმაყოფილების შემთხვევაში აპლიკანტი მიიღებს პირობითი ჩარიცხვის წერილს (Conditional Acceptance Letter) და სწავლის საფასურის ინვოისს.
- სწავლის საფასურის გადახდის პროცესის დაწყების შემდეგ, უნივერსიტეტი აპლიკაციას გადააგზავნის განათლების ხარისხის განვითარების ეროვნულ ცენტრში შემდგომი განხილვისთვის.
- საბოლოო გადაწყვეტილება, როგორც წესი, ხელმისაწვდომია 2-3 კვირის განმავლობაში.
- ჩარიცხვის დადასტურების შემდეგ სტუდენტი მიიღებს მოწვევის წერილს (Invitation Letter), რომელიც გაიცემა განათლების ხარისხის განვითარების ეროვნული ცენტრის მიერ დადასტურების მიღებიდან 3 სამუშაო დღის ვადაში.
რელოკაციის სერვისების შესახებ დამატებითი ინფორმაციისათვის, იხილეთ ბმული.