ალტე უნივერსიტეტში,მედიცინის პროგრამის სტუდენტების რეგისტრაცია იწყება.
სტუდენტი რეგისტრაციას გაივლის ალტე უნივერსიტეტის პორტალზე, რომლის ბმულსაც პირადი ტელეფონის ნომერზე მოკლე ტექსტური შეტყობინების სახით მიიღებთ 2ოქტომბრის 12:00 საათიდან.
ადმინისტრაციული რეგისტრაციისთვის მიჰყევით ბმულს:
https://alte1.ini.ge/online-register/start
ადმინისტრაციული რეგისტრაცია გულისხმობს მოთხოვნილი საბუთების ელექტრონული ფორმატით პორტალზე ატვირთვას და თანხის გადახდას, შესაბამისი გრაფიკის მიხედვით, რის საფუძველზეც გამოიცემა სტუდენტის ჩარიცხვის ბრძანება.
ადმინისტრაციული რეგისტრაციის ვადა:
- ადმინისტრაციული რეგისტრაცია და ელექტორნულად დოკუმენტაციის ატვრითვა - 2-5 ოქტომბერი,
- სწავლის საფასურის დაფარვა სტუდენტის ინდივიდუალური გრაფიკის შესაბამისად: 2-6 ოქტომბერი
*სწავლის საფასურის გადახდის გრაფიკს ირჩევს სტუდენტი ინდივიდუალურად ადმინისტრაციული რეგისტრაციის დროს.
*სწავლის საფასურის გადახდის ბოლო ვადა არის 6 ოქტომბრის 18:00 საათი.
იხილეთ სწავლის საფასურის გადახდის წესი
* გთხოვთ, გაითვალისწინეთ, რომ 2ოქტომბერს ონლაინ რეგისტრაცია დაიწყება 12:00 სთ-იდან.
Შენიშვნა: არასრულწლოვანი აბიტურიენტის შემთხვევაში, ადმინისტრაციული რეგისტრაცია და ელექტრონული დოკუმენტაციის ატვირთვა ხორციელდებაონლაინ, ხოლო გადახდის გრაფიკის არჩევა და ხელშეკრულებაზე ხელის მოწერა ხორციელდება ალტე უნივერსიტეტში მშობლის ან კანონიერი მეურვის თანმხლებით, 3-5 ოქტომბერს - 12:00 – 15:00 საათებში.
რეგისტრაციის დროს ასატვირთი დოკუმენტაცია:
- განცხადება (განცხადების ფორმა დაგხვდებათ უნივერსიტეტის პორტალზე);
- პირადობის დამადასტურებელი მოწმობის ასლი (ორივე გვერდი).
- საშუალო სკოლის დამთავრების ატესტატი (დედანი) ან პროფესიული განათლების დიპლომი (დედანი);
- 1 ცალი ფოტო-სურათი (3x4) - ფორმალური, პირადობის მოწმობის ფოტოს მსგავსი;
- სამხედრო აღრიცხვის მოწმობის ასლი (ვაჟებისათვის) - ორივე გვერდი;
- არასრულწლოვანი პირველკურსელის შემთხვევაში, მშობლის პირადობის მოწმობა ან მეურვის პირადობის მოწმობა.
*ონლაინ რეგისტრაციის გავლის შემდეგ, ჩამოთვლილი საბუთების ორიგინალი ვერსიები უნდა წარმოადგინოთ ალტე უნივერსიტეტში 16 ოქტომბერიდან - 20 ოქტომბრის ჩათვლით .