რა არის გასაუბრება/ინტერვიუ?

სამუშაო ინტერვიუ არის ოფიციალური საუბარი/დიალოგი სამუშაოს მაძიებელსა და დამსაქმებლის წარმომადგენელს შორის,როგორც წესი, ეს წარმომადგენელი ორგანიზაციის ადამიანური რესურსების გუნდის წევრი ან/და უშუალო პოტენციური მენეჯრია. გასაუბრების უპირველესი მიზანია შეაფასოს რამდენად შეესაბამება აპლიკანტის განათლება/გამოცდილება/უნარები კონკრეტულ სამუშაო პოზიციას.

აპლიკანტებს ხშირად ავიწყდებათ, რომ გასაუბრება დიალოგია, რომლის დროსაც, პოტენციურ დამსაქმებლებსაც ვაფასებთ, ამიტომ არის მნიშვნელოვანი, რომ ვიცოდეთ როგორ მოვემზადოთ მათთან შესახვედრად.

როგორ მოვემზადოთ?!

კარგად გაიაზრეთ სამუშო აღწერილობა: გასაუბრებაზე წასვლამდე მნიშვნელოვანია სამუშაოს აღწერილობის საფუძვლიანად გააზრება. ეს არის თქვენი გზამკვლევი - ის, რასაც დამსაქმებელი ეძებს კანდიდატში. შესაბამისად, ყურადღება მიაქციეთ აქ გამოკვეთილ საჭირო უნარებს, კვალიფიკაციასა და პასუხისმგებლობებს. ეს არა მხოლოდდაგეხმარებათ თქვენი პასუხების მორგებაში, არამედ საშუალებას მოგცემთ თავად გაამახვილოთ ყურადღება თქვენს ყველაზე მნიშვნელოვან გამოცდილებასა და უნარებზე.

მოძიეთ ინფორმაცია კომპანიის შესახებ: დამსაქმებელზე შთაბეჭდილებას ახდენს, როდესაც კანდიდატი დროს უთმობს მათი ორგანიზაციის შესხებ ინფორმაციის მოძიებას, ამიტომ

გასაუბრებამდე, აუცილებლად შედით კომპანიის ვებ-გვერდზე და გაეცანით კომპანიის ისტორიას, მისიას, ღირებულებებსა და ბოლო მიღწევებს. გაეცანით მათ პროდუქტებს, სერვისებსა და ბაზარზე არსებულ პოზიციას. ეს ცოდნა საშუალებას მოგცემთ დასვათ გამჭრიახი კითხვები და აჩვენოთ თქვენი ნამდვილი ინტერესი კომპანიის მიმართ.

გაივარჯიშეთ საყოველთაოდ ცნობილ კითხვებზე პასუხში: მიუხედავად იმისა, რომ თითოეული ინტერვიუ უნიკალურია, გარკვეული კითხვები ხშირადისმება სხვადასხვა ინდუსტრიაში. ივარჯიშეთ თქვენს პასუხებზე ისეთ კითხვებზე, როგორიცაა:

"მომიყევი თქვენს შესახებ." - ეს პირველი შეკითხვაა, როგორც წესი, რასაც დამსაქმებლები გასაუბრებაზე სვამენ. მოგეხსენებათ, პირველ შთაბეჭდილებას დიდი ძალა და გავლენა აქვს, ამიტომ, კარგად მოიფიქრეთ რას უპასუხებთ ამ კითხვაზე. როგორც წესი, ამ შეკითხვაზე პასუხს, 2-3 წუთზე მეტი არ უნდა დაუთმოთ. ეცადეთ ეს დრო გამოიყენოთ საკუთარი უნარებისა და სამუშაოზე/სასწავლებელში მიღებული იმ ძირითად გამოცდილებაზე საუბარს, რაც დამსაქმებელს აფიქრებინებს, რომ ნამდვილად შეესაბამებით ამ სამუშაოს.
"რა არის თქვენი ძლიერი და სუსტი მხარეები?" - ამ კითხვაზე პასუხისას შეარჩიეთ ისეთი თვისებები, რომელზეც მაგალითის მოყვანას შეძლებთ. მაგ.: თუ იტყვით რომ გუნდურობა თქვენი ძლიერი მხარეა, შესაძლოა პოტენციურმა დამსაქმებელმა გთხოვოთ გაიხსენოთ მაგალითიწინა სამსახურიდან/პროექტიდან/ცხოვრებიდან, რა სიტუაციაშიც გამოვლინდა თქვენი ეს თვისება. ამიტომ წინასწარ, კარგად შეარჩიეთ ის თვისებები, რომელთა მაგალითებზეც თავისუფლად ისაუბრებთ. იყავით გულწრფელები და ნუ ჩამოთვლით ფართოდგავრცელებულ კლიშეებს.
"რატომ გინდა აქ მუშაობა?" - იდეალური შეკითხვაა იმის დემონსტრირებისთვის, რომ ნამდვილად კარგად იცით რა პოზიციაზე გააგზავნეთ რეზიუმე და რა კომპანიაში. მოარგეთ ის თქვენს ძლიერ მხარეებსა და უნარებს და ისე უპასუხეთ ამ შეკითხვაზე.
"სად ხედავსაკუთარ თავს ხუთ წელიწადში?" - სწრაფად ცვალებადსამყაროში, არავინ ელოდება, რომ ზუსტად იცით, სად იქნებით ხუთი წლის მერე. ამ შეკითხვისდამისას, როგორც წესი, დამსაქმებელს თქვენი ინტერესები და მიზნები აინტერესებს. ისაუბრეთ თქვენს კარიერულ მისწრაფებებზე და იმაზე, თუ როგორ ჯდება ეს როლი თქვენს გრძელვადიან მიზნებში. ისაუბრეთ კომპანიის პოტენციურ კარიერულ გზასთან შესაბამისობაში.
„რა არის თქვენი ყველაზედიდი მიღწევა?“ - აირჩიეთ მიღწევა,რომელიც აჩვენებს თქვენს უნარს, მიაღწიოთ დიდ შედეგებს. დაუკავშირეთ ის იმ თვისებებსა და უნარებს, რომლებსაც სამუშაო მოითხოვს.
„როგორ უმკლავდებით ზეწოლას ან სტრესულსიტუაციებს?“ - მოუყევითთქვენი სტრატეგიების მაგალითები სტრესის ეფექტურად მართვისთვის, პრობლემის გადაჭრისა და დროის მართვის უნარების დემონსტრირებისთვის.
„რატომ აპირებთამჟამინდელი დამსაქმებლისგან წამოსვლას?“ - არასოდეს, არც ერთ სიტუაციაში, არ მოიხსენიოთ თქვენი წინა დამსაქმებელი ცუდ კონტექტსში. ამ შეკითხვაზე პასუხისას, ხაზი გაუსვით, რომ ეძებთ განვითარების ახალ შესაძლებლობებს, რომ ამჟამინდელ პოზიციაზე/კომპანიაში, უკვე მიაღწიეთ ყველაფერს, რაც შესაძლებელი იყო.
„რამდენია თქვენთვისმისაღები ანაზღაურება?“ - ამ შეკითხვას, დამსაქმებლები ხშირად სვამენ, ამიტომ, წინასწარ მოიკვლიეთ ბაზარი, ნახეთ ამ პოზიციაზე რა სახელფასო რეინჯებია, შეაფასეთ თქვენი დრო/უნარები/განათლება/გამოცდილება და ისე შესთავაზეთ თქვენთვის მისაღები ანაზღაურება.
შექმენით თქვენი პასუხები ისე, რომ იყოს ლაკონური და კონკრეტული/ფოკუსირებული, რაც ხაზს გაუსვამს თქვენს კვალიფიკაციას და შესაბამისობას კომპანიის მოთხოვნებთან.

მოამზადეთ თქვენი შეკითხვები დამსაქმებელთან: ინტერვიუ დიალოგია, რომლის დროსაც აპლიკანტიც აფასებს ორგანიზაციას. მოამზადეთ გააზრებული კითხვები როლის, გუნდისა და კომპანიის კულტურის შესახებ. ეს არა მხოლოდ აჩვენებს თქვენს ინტერესს, არამედ დაგეხმარებათ განსაზღვროთ, არის თუ არა ეს კომპანია თქვენთვის შესაფერისი. მაგ.:

"შეგიძლიათ აღწეროთ გუნდი, ვისთანაც ვიმუშავებდი?"
"რა არის ყველაზე დიდი გამოწვევების წინაშე დგას გუნდი ამჟამად?"
"როგორ განსაზღვრავთ წარმატებას ამ როლისთვის?"

ჩაცმის სტილი (დრესკოდი): პირველი შთაბეჭდილება უმნიშვნელოვანესია. ჩაიცვით პროფესიონალურად და კომპანიის კულტურის შესაბამისად. გაითვალისწინეთ კომპანია და პოზიცია, რომელზეც გაქვთ რეზიუმე გაგზავნილი.

სხეულის ენა და კომუნიკაცია: გასაუბრებისას ეცადეთ არ იყოთ ფამილარულები, თუმცა არც ძალიან მკაცრი. გასაუბრებაზე ხუმრობაც შეიძლება, თუმცა ეს არ უნდა სცდებოდეს ფორმალური/საქმიანი ურთიერთობების საზღვრებს. ვერბალურ კომუნიკაციასთან ერთად უმნიშვნელოვანესია არავერბალური კომუნიკაცია/სხეულის ენა. შეინარჩუნეთ თვალის კონტაქტი, შესთავაზეთ მტკიცე ხელის ჩამორთმევა და დაჯექით პირდაპირ, იყავით ზომიერად თავდაჯერებული, გაიღიმეთ. ყურადღება მიაქციეთ თქვენს მიმიკებს და სხვა ჟესტებს. ეფექტური კომუნიკაციის უმნიშვნელოვანესი დეტალია აქტიური მოსმენა: ყურადღებით იყავით საუბრისას და მოახდიეთ შესაბამისი რეაგირება.

გასაუბრების დასასრული: როგორც არ უნდა ჩაიაროს გასაუბრებამ, იყავითპოზიტიური ამ ეტაპზეც. ეს არის ბოლო რამ, რასაც იმახსოვრებს ინტერვიუერი გასაუბრებისას. მადლობა გადაუხადეთ მათ დათმობილი დროისთვის.

გასაუბრების შემდგომ: მოთმინებით დაელოდეთ მათ პასუხს. თუკი უკუკავშირისთვის შეთანხმებულ ვადას გადააცილებენ, მხოლოდ ამ შემთხვევაში შეეხმიანეთ. გადახედეთ თქვენს გასაუბრებას: რა მოგეწონათ, რა არ მოგეწონათ, რას გააუმჯობესებდით შემდეგისთვის, მოინიშნეთ აუცილებლათ, რათა შემდეგიგასაუბრებისთვის მოემზადოთ შესაბამისად. უარყოფითი პასუხის შემთხვევაში არ დანებდნეთ, განაგრძეთ სიარული გასაუბრებებზე, მიიღეთ გამოცდილება. ყოველი შემდეგი, წინაზე უკეთესი იქნება და აუცილებლად იპოვით თქვენი ოცნების ორგანიზაციას/პოზიციას.

დამატებით რა უნდა გავითვალისწინოთ?

სატელეფონო საუბრისას, როდესაც დამსაქმებელი შეხვედრის თარიღსა და დროს გითანხმებთ, იყავით ყურადღებით და თუ რამეს ვერ გაიგებთ, იქვე ჩაეკითხეთ. კოპმანიების უმეტესობა, საუბრის დასასრულს, მოკლეტექსტური შეტყობინების სახით აგზავნის შეხვედრის შესახებ ინფორმაციას, თუმცა, თუ არ გითხრათ საუბრისას, რომ გამოგეგზავნებათ - თავად თხოვეთ ამის შესახებ;
თუ ხედავთ, რომ შეხვედრაზე გაგვიანდებათ ან ვერ მიდიხართ - აუცილებლად დაურეკეთ და გააფრთხილეთ დამსაქმებელი;
იყავით თავდაჯერებულები, გულწრფელები და არ დაგავიწყდეთ, რომ გასაუბრება ორმხრივია;

გისურვებთ წარმატებებს!

დამატებითი ინფორმაციისთვის/კითხვებისთვის/კონსულტაციისთვის -

მოგვწერეთ careerservices@alte.edu.ge

კარიერული განვითარება - ბლოგები