ინგლისური ენის ვორკშოპი და იმიტირებული გამოცდა

ალტე უნივერსიტეტისა და აბიტურიენტების კლუბი-ს ორგანიზებით, ალტე უნივერსიტეტის კამპუსში ინგლისური ენის ერთიანი ეროვნული გამოცდისთვის მოსამზადებელი ტრენინგების სერია და იმიტირებული გამოცდა ჩატარდა.

ტრენინგებს ლელა იაშვილი, ინგლისური ენის ლექტორი ალტე უნივერსიტეტში და ენების ცენტრის - “გლობუსი” დამფუძნებელი უძღვებოდა. შეხვედრების ფარგლებში მოსწავლეებს ჰქონდათ შესაძლებლობა, ემუშავათ საგამოცდო ტესტის ყველა კომპონენტზე:

• ტექსტის გააზრება - გადმოცემა;
• მოსმენის უნარები;
• გრამატიკა;
• თემის წერა.

ტრენინგების დასრულების შემდეგ იმიტირებული გამოცდა ჩატარდა, სადაც აბიტურიენტებმა საკუთარი შესაძლებლობები პრაქტიკაში გამოცადეს.