ფულის გლობალური კვირეულის ფარგლებში, სებ-ის ფინანსური განათლების პლატფორმა ფინედუსა და საქართველოს საბანკო ასოციაციის თანაორგანიზებით, ალტე უნივერსიტეტიში ახალგაზრდა თაობისთვის გაიმართა საჯარო პანელი თემაზე - „დაიცავი შენი ფული, დაიცავი შენი მომავალი“.
პანელი, რომელსაც მოდერაციას Business Insider Georgia-ს დამფუძნებელი გიორგი აბაშიშვილი და საბანკო ასოციაციის წარმომადგენელი ინგა ქარჩავა უწევდნენ, ეროვნული ბანკის საბჭოს წევრმა, თეიმურაზ ხომერიკმა გახსნა. სიტყვით გამოსვლისას მან ფინანსური განათლების მნიშვნელობასა და ამ საქმეში სებ-ის როლზე ისაუბრა.
