ფსიქოლოგია, როგორც ადამიანის ქცევის, ემოციებისა და კოგნიტური პროცესების შემსწავლელი მეცნიერება, თანამედროვე სამყაროში განსაკუთრებულ მნიშვნელობას იძენს.

ალტე უნივერსიტეტის ფსიქოლოგიის პროგრამა პასუხობს სწრაფ ტექნოლოგიურ პროგრესსა და შრომის ბაზრის მზარდ მოთხოვნებს, პროგრამა სტუდენტებს სთავაზობს თანამედროვე ფსიქოლოგიის ძირითადი მიმართულებების - განვითარების, კლინიკური, სოციალური, კოგნიტური, პიროვნების, ორგანიზაციული ფსიქოლოგიის, ნეიროფსიქოლოგიის, ასევე ლიდერობის, იურიდიული, პოლიტიკური, და სხვ. ფსიქოლოგიის - სიღრმისეულ შესწავლას.

სტუდენტები არა მხოლოდ სწავლობენ ადამიანის ქცევისა და აზროვნების საფუძვლებს, არამედ ეუფლებიან რეალურ გარემოში გამოყენებად უნარებს, როგორიცაა კომუნიკაცია, ანალიზი და პრობლემების გადაწყვეტა.

სტუდენტებს აქვთ შესაძლებლობა ჩაერთონ ადგილობრივ და საერთაშორისო კვლევებში, გაიარონ სავალდებულო პრაქტიკა პარტნიორ ორგანიზაციებში ან დასაქმდნენ უნივერსიტეტის ფართო პარტნიორულ ქსელში, რომელიც 200-ზე მეტ ორგანიზაციას აერთიანებს.

პროგრამის ფარგლებში, სტუდენტებს შეუძლიათ ისარგებლონ გაცვლითი პროგრამებით ევროპის წამყვან უნივერსიტეტებში, მათ შორის University of Nicosia (კვიპროსი), Mykolas Romeris University (ლიეტუვა), შედეგად კი, მიიღონ გლობალური ხედვა და კონკურენტული უპირატესობა თანამედროვე შრომით ბაზარზე.

პროგრამის მთავარი მიზანია, მოამზადოს პროფესიონალები, რომლებიც შეძლებენ ადამიანების ფსიქოლოგიური კეთილდღეობის გაუმჯობესებას სხვადასხვა სფეროში.

სწავლის მეთოდები

პროგრამა ხორციელდება სწავლის ისეთი მეთოდების გამოყენებით, როგორიცაა გონებრივი იერიში, დისკუსია/დებატები, პრეზენტაცია/დემონსტრირების მეთოდი, აუდიო-ლინგვო მეთოდი, ინდუქციური და დედუქციური მეთოდები, ქმედებაზე ორიენტირებული სწავლება, ჯგუფური და დამოუკიდებელი მუშაობა, წერითი მუშაობა, როლური/სიტუაციური თამაშები, პრობლემაზე დაფუძნებული სწავლება, პრაქტიკული მუშაობა, სოკრატული მეთოდი და სხვა.

პროგრამის ძირითადი ასპექტები

პროგრამა გთავაზობთ:

საგნების მრავალფეროვან არჩევანს, მათ შორის ისეთ საგნებს, როგორიცაა: განვითარების ფსიქოლოგია, სოციალური ფსიქოლოგია, კვლევის მეთოდები ფსიქოლოგიაში, კოგნიტური ფსიქოლოგია, განწყობის ფსიქოლოგია, ნეიროფსიქოლოგიის საფუძვლები, ფსიქოთერაპიისა და ფსიქოდიაგნოსტიკის საფუძვლები, ორგანიზაციისა და მართვის ფსიქოლოგია, ლიდერობის ფსიქოლოგია, კრიმინალური ქცევა და საგამოძიებო ინტერვიუირება, პიროვნების ფსიქოლოგია, მასის ფსიქოლოგია, სამხედრო ფსიქოლოგია, რეკრუტირება, კონფლიქტის მართვის ფსიქოლოგია, გენდერის ფსიქოლოგია, იურიდიული ფსიქოლოგია, წარმატების ფსიქოლოგია, პოლიტიკური ფსიქოლოგია და სხვა;
სამეცნიერო კვლევებში ჩართულობასა და კვლევითი საბაკალავრო ნაშრომის მომზადებას;
ვორქშოფებს, თემატურ სემინარებს, მოწვეულ სტუმრებთან შეხვედრებსა და სხვა;
პრაქტიკის გავლას როგორც საგანმანათლებლო დაწესებულებებში, ასევე, პარტნიორ კომპანიებსა თუ წამყვან ორგანიზაციებში;

სწავლის შედეგები

ფსიქოლოგიის საბაკალავრო პროგრამის წარმატებით დასრულების შემდეგ, კურსდამთავრებული შეძლებს:

მსჯელობას ფსიქოლოგიის დარგების, ძირითადი დისციპლინებისა და მისი ცალკეული შემადგენელი ნაწილების შესახებ;
ფსიქოლოგიის სფეროში მიღებული ცოდნის პრაქტიკულ საქმიანობაში ეფექტურად გამოყენებას;
ფსიქოლოგიაში დამკვიდრებული თეორიული მიდგომების, ძირითადი ცნებების, დარგის პრობლემატიკის, კონსტრუქტებისა და მათი გამოყენების კონტექსტის კრიტიკულად გააზრებას;
ახსნას ფსიქოლოგის პროფესიის სოციალური მნიშვნელობა, მისი საქმიანობის მიზნები და ძირითადი ფუნქციები;
გამოიყენოს ლოგიკური, შემოქმედებითი და ანალიტიკური აზროვნების, ფსიქოლოგიის სფეროსთვის დამახასიათებელ სხვა შემეცნებითი, ასევე პრაქტიკული უნარები ფსიქოლოგიის კომპლექსური საკითხებისა და გაუთვალისწინებელი პრობლემების გადასაჭრელად;
გამოიყენოს ფსიქოლოგიის მეცნიერებაში არსებული კვლევის მეთოდები (როგორც აპრობირებული, ისე ცალკეული უახლესი) და შექმნას კვლევითი ნაშრომი წინასწარგანსაზღვრული მითითებების შესაბამისად;
გამოიტანოს ეთიკური პასუხისმგებლობით განპირობებული დასკვნები სოციალურ გარემოსთან ურთიერთობის, ფსიქოლოგიური კონსულტირებისა და რეკომენდაციის გაცემის დროს, ასევე კვლევითი საქმიანობის განხორციელების პროცესში;
გამოიკვლიოს კონკრეტული შემთხვევა, დააკვირდეს ქცევას, მოახდინოს მისი კლასიფიცირება და ანალიზი, შეიმუშაოს პრობლემის ირგვლივ პროფესიული ხედვა;
საკვლევი საკითხების სპეციფიკის გათვალისწინებით, დაამუშაოს ფსიქოლოგიის სფეროს სამეცნიერო ლიტერატურა, მოიძიოს რელევანტური მონაცემები, განმარტოს და გააანალიზოს ისინი;
ჩამოაყალიბოს მოსაზრებები ფსიქოლოგიის სფეროში არსებული პრობლემებისა და გადაჭრის გზების შესახებ თანმიმდევრულად და არგუმენტირებულად, სპეციალისტებთან და არასპეციალისტებთან, ზეპირი და წერითი ფორმებით, თანამედროვე საინფორმაციო;
საკომუნიკაციო ტექნოლოგიების შესაძლებლობების შემოქმედებითად გამოყენებით;
დაამყაროს კომუნიკაცია ინგლისურ ენაზე პროფესიული ტერმინოლოგიის გამოყენებით;

უნივერსიტეტის წარმომადგენელთან გასაუბრებისა და პროგრამის შესახებ დამატებითი ინფორმაციის მისაღებად, შეავსეთ სარეგისტრაციო ფორმა.