ალტე უნივერსიტეტში გლობალური უნარების განმავითარებელი ვორკშოპების ციკლი დაიწყო, რომლის მიზანია, შეასწავლოს სტუდენტებს ნებისმიერი საქმიანობის დასაწყებად საჭირო უნარები.
გლობალური უნარების განმავითარებელი ვორკშოპების ციკლის პირველი შეხვედრა ეხებოდა თემას: „დროის ეფექტურად მართვა და დაგეგმვა”.
ვორკშოპზე, მცირე თეორიულ მასალასთან ერთად, სტუდენტებმა შეისწავლეს ტექნიკები, რაც მათ დაეხმარებათ სამუშაო, სასწავლო, საგამოცდო თუ პირადი დროის ეფექტურად მართვასა და დაგეგმვაში.
ვორკშოპი ჩაატარა სერტიფიცირებულმა კარიერის კონსულტანტმა - მარიამ ედიბერიძემ, რომელიც ამავდროულად ნეირო ლინგვისტური პროგრამირების პრაქტიკოსი და ქოუჩი, არტ-თერაპიის კონსულტანტი და რბილი უნარების ტრენერია.
