ალტე უნივერსიტეტმა ლიტვის ბიზნეს კოლეჯთან (LBC) 2024 წლის 27 სექტემბერს ხელი მოაწერა ურთიერთთანამშრომლობის მემორანდუმს, რომელიც მიზნად ისახავს ორ ინსტიტუციას შორის მჭიდრო აკადემიური და კულტურული კავშირების დამყარებას.
თანამშრომლობის მიზნებია:
- უმაღლესი განათლების ხარისხის ამაღლება და ინოვაციური მიდგომების დანერგვა
- სამეცნიერო კვლევებისა და ტექნოლოგიური ინოვაციების ხელშეწყობა
- სტუდენტებისა და აკადემიური პერსონალის საერთაშორისო გამოცდილების გაღრმავება
ქვეყნებს შორის კულტურული და აკადემიური ურთიერთგაცვლის გაძლიერება
თანამშრომლობის ძირითადი მიმართულებებია:
- სტუდენტთა და პერსონალის მობილობა: გაცვლითი პროგრამები სტუდენტებისთვის, ლექტორებისა და ადმინისტრაციული პერსონალისთვის.
- ერთობლივი კვლევითი პროექტები: თანამშრომლობა აქტუალურ სამეცნიერო და ბიზნეს საკითხებზე.
- აკადემიური რესურსების გაზიარება: სასწავლო მასალების, პუბლიკაციებისა და საუკეთესო პრაქტიკის გაცვლა.
- ერთობლივი ღონისძიებები: კონფერენციების, სემინარებისა და ვორქშოფების ორგანიზება.
საგანმანათლებლო პროგრამების განვითარება: ერთობლივი საგანმანათლებლო პროგრამების შექმნა და არსებული პროგრამების გაუმჯობესება.
აღნიშნული ურთიერთთანამშრომლობა მრავალფეროვან შესაძლებლობებს ქმნის ორივე უნივერსიტეტის სტუდენტებისა და პერსონალისთვის. დეტალური ინფორმაცია კონკრეტული პროექტების შესახებ კი უახლოეს მომავალში გამოქვეყნდება.
