ალტე უნივერსიტეტის სამართლისა და სოციალურ მეცნიერებათა სკოლა ევროპული სამართლის ფაკულტეტების ასოციაციის (ELFA) წევრი გახდა.
ევროპული სამართლის ფაკულტეტების ასოციაცია (ELFA), რომელიც 1995 წელს ლუვენში დაარსდა, 150-ზე მეტ წევრს აერთიანებს მსოფლიოს 49 ქვეყნიდან. ის წარმოადგენს უნიკალურ საერთაშორისო ფორუმს, რომელიც სამართლებრივი განათლებისა და კვლევების მიმართულებით აკადემიური და პროფესიული დისკუსიების წამყვანი პლატფორმაა.
ELFA-ს ძირითადი მისიაა:
- სამართლის მიმართულებით განათლების სტანდარტების გაუმჯობესება;
- უმაღლესი განათლების სისტემების შედარებადობის და სხვა ქვეყნებში მიღებული განათლების აღიარების უზრუნველყოფა;
- საერთაშორისო თანამშრომლობის გაღრმავება და პარტნიორული ურთიერთობების განვითარება;
- სტუდენტებისა და აკადემიური პერსონალის მობილობის მხარდაჭერა;
- ციფრული განათლებისა და თანამედროვე სწავლების მეთოდების დანერგვის ხელშეწყობა.
ELFA-ს წევრობა ალტე უნივერსიტეტს შესაძლებლობას აძლევს:
- მონაწილეობა მიიღოს ასოციაციის ყოველწლიურ კონფერენციებში, პლენარულ სხდომებში, ვორქშოფებსა და დისკუსიებში;
- ჩაერთოს გლობალურ ინიციატივებში სამართლებრივი განათლების გაძლიერებისა და საერთაშორისო სტანდარტების გაუმჯობესების მიმართულებით;
გაცვალოს ცოდნა და საუკეთესო პრაქტიკა ევროპულ და საერთაშორისო პარტნიორებთან.
სამართლებრივი განათლების გაძლიერება და გლობალური თანამშრომლობის ხელშეწყობა ELFA-ს ცენტრალური ამოცანებია, რაც ხელს უწყობს წევრი უნივერსიტეტების განვითარებასა და საერთაშორისო აკადემიურ სივრცეში მათი პოზიციების გამყარებას.
