ალტე უნივერსიტეტმა Gdańsk-ის უნივერსიტეტის დელეგაციას, ორდღიანი სამუშაო ვიზიტის ფარგლებში უმასპინძლა, ვიზიტის მიზანი, უნივერსიტეტებს შორის გრძელვადიანი და სტრატეგიული პარტნიორობის ჩამოყალიბება იყო.
ვიზიტის ფარგლებში, მხარეებმა განიხილეს აკადემიური მობილობის განვითარების პერსპექტივები, კვლევითი პრიორიტეტები და SEA-EU Alliance-ის ფარგლებში არსებული სტრატეგიული შესაძლებლობები. განსაკუთრებული ყურადღება დაეთმო მდგრადი განვითარების მიზნების (SDG) ინტეგრირებას სასწავლო პროგრამებში, კვლევის პასუხისმგებლიანი შეფასების ევროპულ ჩარჩოს — CoARA-ს, საერთო სამეცნიერო ინფრასტრუქტურის გამოყენებასა და კვლევაში HR Excellence-ის სტანდარტების დანერგვას.
შეხვედრებს ესწრებოდნენ ალტე უნივერსიტეტის ვიცე-პრეზიდენტები და ადმინისტრაციული პერსონალი.
ვიზიტი დასრულდა სამომავლო თანამშრომლობის კონკრეტულ ნაბიჯებზე შეთანხმებით, რომელთა განხორციელება უახლოეს პერიოდში იგეგმება. აღნიშნული პარტნიორობა წარმოადგენს ალტე უნივერსიტეტის ინტერნაციონალიზაციის გაძლიერებისკენ მიმართულ მნიშვნელოვან ნაბიჯს.
