თავად სიტყვა „ალტე“ ლათინური სიტყვაა და მწვერვალს, უმაღლეს წერტილს და მისკენ მიმავალ გზას ნიშნავს. ჩვენ გვჯერა, რომ უნივერსიტეტში გატარებული რამდენიმე წელი მხოლოდ დასაწყისია იმ დიდი გზის, რომელსაც განათლება ჰქვია. მიგვაჩნია, რომ უნივერსიტეტმა არამხოლოდ კონკრეტული ცოდნა უნდა გადასცეს სტუდენტს, არამედ უნდა გაუღვივოს მუდმივი განვითარების სურვილი, რათა ის მთელი ცხოვრების განმავლობაში სწავლობდეს, ისახავდეს ახალ-ახალ მიზნებს, აღწევდეს მათ და იყოს წარმატებული.
.
ამ ხანგრძლივ გზაზე კი „ალტე უნივერსიტეტი“ არ იქნება უბრალოდ საგანმანათლებლო დაწესებულება, ის იქნება თითოეული სტუდენტისა და კურსდამთავრებულის პარტნიორი, რომელიც დაეხმარება მათ იპოვონ და განავითარონ საკუთარი თავში ის უნიკალური უნარები და შესაძლებლობები, რაც მათ სხვებისგან გამოარჩევთ.
„ალტე უნივერსიტეტის“ სტუდენტები მულტიკულტურულ გარემოში ერთდროულად სწავლობენ, ქმნიან და პრაქტიკულად ეცნობიან იმ სფეროს სპეციფიკას, რომელსაც ისინი ირჩევენ. აქ მიღებული ცოდნა კი არ არის მხოლოდ თეორია, არამედ აქ გატარებული წლები არის უნიკალური გამოცდილება, რომელიც თითოეული მათგანის რეალური წარმატების საფუძველია.
აღსანიშნავია, რომ უნივერსიტეტის ბაზაზე ფუნქციონირებს „სტარტაპ გარაჟი“, რომელიც დაინტერესებულ პირებს საინტერესო და მნიშვნელოვანი იდეების განხორციელებაში ეხმარება.
გარდა ამისა, “ალტე უნივერსიტეტი” თითოეულ სტუდენტს სთავაზობს:
- „უნივერსიტეტის ფონდის“ მიერ სწავლის სრულ დაფინანსებას მაღალი აკადემიური მოსწრების შემთხვევაში (თუ სტუდენტის GPA არის 3.5 და მეტი);
- დასაქმებისა და პრაქტიკის ხელშეწყობას „სტუდენტთა წარმატების სამსახურის“ აქტიური ჩართულობით;
- ჩინური ენის უფასო კურსებს „კონფუცის ინსტიტუტში“;
- გაცვლით პროგრამებს ევროპისა და აზიის წამყვან უნივერსიტეტებში;
- აქტიურ სტუდენტურ ცხოვრებას: კულტურულ და ხელოვნების კლუბებს, იდეების კლუბს, ლიდერების კლუბს, ენების კლუბს, დებატების კლუბს, სამაგიდო თამაშების კლუბს და სხვა.
უნივერსიტეტისთვის მნიშვნელოვანია თანამშრომლობა იმ ტიპის ორგანიზაციებთან, რომლებიც ჩვენი სტუდენტებისა თუ აკადემიური პერსონალის განვითარებაში მნიშვნელოვან წვლილს შეიტანენ. სწორედ ამ მიზნით „ალტე უნივერსიტეტი“ საქართველოში ყველაზე დიდი ჰოსპიტლების ქსელის „ევექსის“ სტრატეგიული პარტნიორი გახდა. ექსკლუზიური ურთიერთთანამშრომლობის მემორანდუმის ფარგლებში კი, ივ. ბოკერიას საუნივერსიტეტო კლინიკა დღეს ჩვენს უნივერსიტეტთან აფილირებული სამედიცინო დაწესებულებაა.
