ფსიქოლოგია ადამიანზე მორგებული პროფესიაა, სხვადასხვა სიტუაციაში მათი მოსმენის, გაგებისა და დახმარების შესაძლებლობა. ფსიქოლოგია გასწავლის, თუ რა განსაზღვრავს ადამიანის პიროვნებას და რა განაპირობებს ადამიანების ქცევას.
ფსიქოლოგის პროფესიისადმი მოთხოვნა საკმაოდ მაღალია, ხოლო ფსიქოლოგიური სერვისი დასაქმების ყველა სფეროში აქტუალურია. ადამიანის ქცევის ცოდნა ერთ-ერთი მნიშვნელოვანი ფაქტორია წარმატებული კარიერისთვის.
ალტე უნივერსიტეტის ფსიქოლოგიის საბაკალავრო პროგრამა და ფსიქოლოგიური განათლება კურსდამთავრებულებს მისცემს საშუალებას გახდნენ ეფექტური ფსიქოლოგები, ფსიქოთერაპევტები, მენეჯერები, ხელმძღვანელები და სხვა.
პროგრამის დასრულების შემდეგ კურსდამთავრებულს აქვს შესაძლებლობა სწავლა გააგრძელოს სხვადასხვა მიმართულებით გაიღრმაოს ცოდნა ფსიქოლოგიის განხრით ან დაეუფლოს სხვა დარგს, გარდა ამისა, ფსიქოლოგიის ცოდნის საფუძველზე, შეუძლია განივითაროს საკუთარი საგანმანათლებლო ან/და პროფესიული საქმიანობა.
პროგრამის დასრულების შემდეგ კურსდამთავრებულს აქვს შესაძლებლობა სწავლა გააგრძელოს სხვადასხვა მიმართულებით გაიღრმაოს ცოდნა ფსიქოლოგიის განხრით ან დაეუფლოს სხვა დარგს, გარდა ამისა, ფსიქოლოგიის ცოდნის საფუძველზე, შეუძლია განივითაროს საკუთარი საგანმანათლებლო ან/და პროფესიული საქმიანობა.
პროგრამის მიზანი
ალტე უნივერსიტეტის ფსიქოლოგიის საბაკალავრო პროგრამის მიზანია, სტუდენტს მისცეს თეორიული ცოდნა ფსიქოლოგიის სხვადასხვა დარგის შესახებ; გამოუმუშაოს მას ფსიქოლოგიის სფეროში მიღებული ცოდნის პრაქტიკულ საქმიანობაში ეფექტურად გამოყენებისა და სპეციალობით საქმიანობისთვის სხვა აუცილებელი უნარები; მოამზადოს ფსიქოლოგიის ბაკალავრი, რომლის კვალიფიკაციაც უზრუნველყოფს მის კონკურენტუნარიანობას დასაქმების ბაზარზე და შეუქმნას მას მყარი საფუძველი ზედა საფეხურის აკადემიური პროგრამების წარმატებით დაუფლებისთვის.
სწავლის მეთოდები
პროგრამა ხორციელდება სწავლის ისეთი მეთოდების გამოყენებით, როგორიცაა გონებრივი იერიში, დისკუსია/დებატები, პრეზენტაცია/დემონსტრირების მეთოდი, აუდიო-ლინგვო მეთოდი, ინდუქციური და დედუქციური მეთოდები, ქმედებაზე ორიენტირებული სწავლება, ჯგუფური და დამოუკიდებელი მუშაობა, წერითი მუშაობა, როლური/სიტუაციური თამაშები, პრობლემაზე დაფუძნებული სწავლება, პრაქტიკული მუშაობა, სოკრატული მეთოდი და სხვა.
პროგრამის ძირითადი ასპექტები
პროგრამა გთავაზობთ:
- საგნების მრავალფეროვან არჩევანს, მათ შორის ისეთ საგნებს, როგორიცაა: განვითარების ფსიქოლოგია, სოციალური ფსიქოლოგია, კვლევის მეთოდები ფსიქოლოგიაში, კოგნიტური ფსიქოლოგია, განწყობის ფსიქოლოგია, ნეიროფსიქოლოგიის საფუძვლები, ფსიქოთერაპიის და ფსიქოდიაგნოსტიკის საფუძვლები, ორგანიზაციის და მართვის ფსიქოლოგია, ლიდერობის ფსიქოლოგია, კრიმინალური ქცევა და საგამოძიებო ინტერვიუირება, პიროვნების ფსიქოლოგია, მასის ფსიქოლოგია, სამხედრო ფსიქოლოგია, რეკრუტირება, კონფლიქტის მართვის ფსიქოლოგია, გენდერის ფსიქოლოგია, იურიდიული ფსიქოლოგია, წარმატების ფსიქოლოგია, პოლიტიკური ფსიქოლოგია და სხვა;
- სამეცნიერო კვლევებში ჩართულობასა და კვლევითი საბაკალავრო ნაშრომის მომზადებას;
- ვორქშოფებს, თემატურ სემინარებს, მოწვეულ სტუმრებთან შეხვედრებსა და სხვა;
- პრაქტიკის გავლას როგორც საგანმანათლებლო დაწესებულებებში, ასევე, პარტნიორ კომპანიებსა თუ წამყვან ორგანიზაციებში;
სწავლის შედეგები
ფსიქოლოგიის საბაკალავრო პროგრამის წარმატებით დასრულების შემდეგ, კურსდამთავრებული შეძლებს:
- მსჯელობას ფსიქოლოგიის დარგების, ძირითადი დისციპლინებისა და მისი ცალკეული შემადგენელი ნაწილების შესახებ;
- ფსიქოლოგიის სფეროში მიღებული ცოდნის პრაქტიკულ საქმიანობაში ეფექტურად გამოყენებას;
- ფსიქოლოგიაში დამკვიდრებული თეორიული მიდგომების, ძირითადი ცნებების, დარგის პრობლემატიკის, კონსტრუქტებისა და მათი გამოყენების კონტექსტის კრიტიკულად გააზრებას;
- ახსნას ფსიქოლოგის პროფესიის სოციალური მნიშვნელობა, მისი საქმიანობის მიზნები და ძირითადი ფუნქციები;
- გამოიყენოს ლოგიკური, შემოქმედებითი და ანალიტიკური აზროვნების, ფსიქოლოგიის სფეროსთვის დამახასიათებელ სხვა შემეცნებითი, ასევე პრაქტიკული უნარები ფსიქოლოგიის კომპლექსური საკითხებისა და გაუთვალისწინებელი პრობლემების გადასაჭრელად;
- გამოიყენოს ფსიქოლოგიის მეცნიერებაში არსებული კვლევის მეთოდები (როგორც აპრობირებული, ისე ცალკეული უახლესი) და შექმნას კვლევითი ნაშრომი წინასწარგანსაზღვრული მითითებების შესაბამისად;
- გამოიტანოს ეთიკური პასუხისმგებლობით განპირობებული დასკვნები სოციალურ გარემოსთან ურთიერთობის, ფსიქოლოგიური კონსულტირებისა და რეკომენდაციის გაცემის დროს, ასევე კვლევითი საქმიანობის განხორციელების პროცესში;
- გამოიკვლიოს კონკრეტული შემთხვევა, დააკვირდეს ქცევას, მოახდინოს მისი კლასიფიცირება და ანალიზი, შეიმუშაოს პრობლემის ირგვლივ პროფესიული ხედვა;
- საკვლევი საკითხების სპეციფიკის გათვალისწინებით, დაამუშაოს ფსიქოლოგიის სფეროს სამეცნიერო ლიტერატურა, მოიძიოს რელევანტური მონაცემები, განმარტოს და გააანალიზოს ისინი;
- ჩამოაყალიბოს მოსაზრებები ფსიქოლოგიის სფეროში არსებული პრობლემებისა და გადაჭრის გზების შესახებ თანმიმდევრულად და არგუმენტირებულად, სპეციალისტებთან და არასპეციალისტებთან, ზეპირი და წერითი ფორმებით, თანამედროვე საინფორმაციო;
- საკომუნიკაციო ტექნოლოგიების შესაძლებლობების შემოქმედებითად გამოყენებით;
- დაამყაროს კომუნიკაცია ინგლისურ ენაზე პროფესიული ტერმინოლოგიის გამოყენებით;
