ალტე უნივერსიტეტის სამაგისტრო საფეხური მოიცავს ეროვნული და საერთაშორისო უსაფრთხოების პროგრამას, რომელიც თავისი შინაარსით უნიკალურია.
ეროვნული და საერთაშორისო უსაფრთხოების პროგრამის მიზანია უსაფრთხოების პოლიტიკის მიმართულებით ისეთი მაღალკვალიფიციური მკვლევრების, ანალიტიკოსებისა და შემმუშავებლების მომზადება, რომელთაც, შესაბამისი პოლიტიკური, ეკონომიკური და სამართლებრივი ასპექტების გათვალისწინებით, შეეძლებათ ეროვნული და საერთაშორისო უსაფრთხოების კონკრეტული პრობლემების ადეკვატური შეფასება-ანალიზი და მათი გადაჭრის ოპტიმალური გზების დასახვა.
სამაგისტრო კურსის სასწავლო პროგრამა ეფუძნება უსაფრთხოების საკითხებისადმი მულტიდისციპლინარულ,ერთიან, ინტეგრირებულ მიდგომას. აღნიშნული პროგრამა ორიენტირებულია უსაფრთხოების თეორიებსა და ძირითად კონცეფციებთან დაკავშირებით სტუდენტებისათვის ფუნდამენტური ცოდნის მიცემასთან ერთად უსაფრთხოების როგორც ხისტი, ასევე ეკონომიკური, სოციალური და პოლიტიკური ასპექტების სწავლებაზე.
ეროვნული და საერთაშორისო უსაფრთხოების პროგრამა კურსდამთავრებულებს საშუალებს აძლევს კარიერა გააგრძელონ, როგორც სახელმწიფო, ასევე კერძო სექტორებში.
