ალტე უნივერსიტეტში 4, 5 და 6 თებერვალს ჩატარდა დიზაინ ფიქრის ტრენინგ კურსი, რომელსაც ეკა ყიფიანი უძღვებოდა.
„დიზაინ ფიქრი“ სულაც არ არის მხოლოდ გრაფიკოსი დიზაინერის საქმე. ესაა აზროვნების სტილი, მიდგომა, რომელიც დასახული ამოცანის მოქნილად და ორიგინალურად გადაწყვეტაში გვეხმარება.
აღნიშნა ეკა ყიფიანმა
კურსის დასრულების შემდეგ, თავად მონაწილებმა გაგვიზიარეს შთაბეჭდილებები.
კახა ბრეგვაძე- ბიზნეს პროცესების განვითარების სამსახურის უფროსი
განვითარების გზა პრობლემების გადაჭრის კრეატიულ მეთოდებზე გადის. დიზაინ ფიქრი კი ამ მეთოდების აღმოჩენაში გეხმარება. კურსის ფარგლებში გაზიარებულმა ცოდნამ მნიშვნელოვნად შემიწყო ხელი შემოქმედებითად მივდგომოდი ჩემს პროფესიულ დარგს. მემუშავა, დამეხვეწა და დამენერგა ინოვაციური იდეები საკუთარ საქმიანობაში.
თამთა ფასურიშვილი- საბანკო პროექტების მენეჯერი
დიზაინ ფიქრის კურსმა დამარწმუნა, რომ ნებისმიერი ადამიანის გონებაში შეიძლება დაიბადოს განსაკუთრებული იდეა. ბიზნესით დაკავებულ პროფესიონალებს დიზაინ ფიქრის კურსი აძლევს უპრეცედენტო შესაძლებლობას, ჩასწვდნენ მომხმარებლის ემოციურ, ფსიქოლოგიურ და ფიზიკურ საჭიროებებს. შედეგად, შექმნან უნიკალური პროდუქტი და წარმატებით განახორციელონ სხვადასხვა პროექტი.
ქეთი შალუტაშვილი- გრაფიკული დიზაინერი
დიზაინ ფიქრის კურსის სამი დღე ერთ-ერთი ყველაზე ნაყოფიერი დღეები იყო ჩემს პროფესიულ ცხოვრებაში. მიღებული ცოდნა უკვე აისახა ჩემს საქმიანობაზე. დარწმუნებული ვარ, კურსზე მიღებული გამოცდილება წარმატებისკენ დიდი ნაბიჯების გადადგმაში დამეხმარება.
