„ალტე უნივერსიტეტის“ ტურიზმისა და მასპინძლობის მენეჯმენტის საბაკალავრო პროგრამამ განათლების ხარისხის განვითარების ეროვნული ცენტრის (EQE) უპირობო აკრედიტაცია მოიპოვა, რაც იმას ნიშნავს, რომ პროგრამა უმაღლეს დონეზეა აკრედიტებული და 7 წლის განმავლობაში იგი სრულად დააკმაყოფილებს საქართველოს განათლებისა და მეცნიერების სამინისტროს მიერ მოთხოვნილ სტანდარტებს.
შეგახსენებთ, რომ აკრედიტაცია არის აკადემიური პროგრამის შეფასება, რომელიც განსაზღვრავს მის შესაბამისობას შემდეგ სტანდარტებთან: საგანმანათლებლო პროგრამის მიზანი, სწავლების მეთოდოლოგია, სტუდენტთა მიღწევები, სწავლების რესურსებით უზრუნველყოფა და სწავლების ხარისხის განვითარების შესაძლებლობები.
