ალტე უნივერსიტეტი

ხშირად დასმული კითხვები

უნივერსიტეტის შესახებ

სად მდებარეობს უნივერსიტეტი?
თბილისი, უნივერსიტეტის ქ.N2 ZIP: 0177
როგორ დავუკავშირდე უნივერსიტეტს?

მობ: (+995 32) 2402946 /48

ელ.ფოსტა: Info@Alte.Edu.Ge

რომელი საფეხურის აკადემიურ პროგრამებს ახორციელებს ალტე უნივერსიტეტი?
ალტე უნივერსიტეტი აბიტურიენტებს სთავაზობს საბაკალავრო და სამაგისტრო საფეხურის პროგრამებს.
არის თუ არა აკრედიტირებული ალტე უნივერსიტეტის აკადემიური პროგრამები?

ალტე უნივერსიტეტს აქვს 2018 წლის საერთაშორისო სტანდარტების შესაბამისი სრული ავტორიზაცია. ყველა საგანმანათლებლო პროგრამა აკრედიტირებულია და ფინანსდება სახელმწიფო გრანტით.

ალტე უნივერსიტეტში მიღების წესები

როგორ ხდება მიღება საბაკალავრო პროგრამაზე?
ალტე უნივერსიტეტის საბაკალავრო პროგრამებზე ჩარიცხვა ხდება ერთიანი ეროვნული გამოცდების შედეგების საფუძველზე ან საქართველოს კანონმდებლობით დადგენილი სხვა წესის შესაბამისად. აბიტურიენტი, რომელიც წარმატებით გაივლის ერთიან ეროვნულ გამოცდებს, აბიტურიენტთა რეგისტრაციისათვის დადგენილ ვადებში მიმართავს ალტე უნივერსიტეტს განცხადებით ჩარიცხვის თაობაზე ადგილზე ან ავსებს ელექტრონულად განაცხადს უნივერსიტეტის ვებგვერდიდან და წარმოადგენს შემდეგ დოკუმენტებს:

  • განცხადება
  • პირადობის დამადასტურებელი მოწმობის ასლი
  • საშუალო სკოლის დამთავრების ატესტატი (დედანი) ან პროფესიული განათლების დიპლომი (დედანი)
  • ფერადი ფოტო-სურათი 2 ცალი, ზომით 3 X 4 ნაბეჭდი და ელექტრონული ვერსია დისკზე
  • სამხედრო აღრიცხვის მოწმობის ასლი (ვაჟებისათვის) არასრულწლოვანი პირველკურსელის შემთხვევაში, მშობლის პირადობის მოწმობა ან მეურვის პირადობის მოწმობა.

აბიტურიენტებმა, ყველა საჭირო დოკუმენტი უნდა წარმოადგინონ ადმინისტრაციული რეგისტრაციისათვის განსაზღვრულ ვადებში. დოკუმენტების წარმოუდგენლობის შემთხვევაში, ჩარიცხვის ბრძანება უქმდება შესაბამისი აბიტურიენტის ჩარიცხვის ნაწილში.

აბიტურიენტი, რომელიც რეგისტრაციის ვადებში არ მიმართავს უნივერსიტეტს და შესაბამისად ვერ მოხვდება რექტორის ბრძანებაში, უფლებამოსილია, ჩარიცხვის შესახებ განცხადება წარმოადგინოს პრეზიდენტის ერთიანი აქტის გამოცემიდან მომდევნო წლის ივნისამდე.

გაითვალისწინეთ: ამ გზით აბიტურიენტის ჩარიცხვა გამორიცხავს მოპოვებული სახელმწიფო სასწავლო გრანტის გამოყენების შესაძლებლობას.
როგორ ხდება მიღება სამაგისტრო პროგრამაზე?
2022 წელს საერთო სამაგისტრო გამოცდის ჩაბარების მსურველები შეირჩევიან მხოლოდ ერთი ტიპის ტესტით. ტესტი კვლავ შედგენილი იქნება 4 ნაწილისგან: წაკითხულის გააზრება, ანალიტიკური წერა, ლოგიკური მსჯელობა, რაოდენობრივი მსჯელობა. დეტალური ინფორმაციისთვის გაეცანით საერთო სამაგისტრო გამოცდის გზამკვლევს. 

სამაგისტრო პროგრამაზე ჩარიცხვის კონკურსში მონაწილეობა შეუძლია ნებისმიერი პროფესიის მქონე ადამიანს, რომელიც საერთო სამაგისტრო გამოცდებზე მინიმალური კომპეტენციის ზღვარს გადალახავს საგამოცდო ტესტის 4 ნაწილიდან რომელიმე 3-ში მაინც. ამასთან, ალტე უნივერსიტეტი არ აწესებს კომპეტენციის უფრო მაღალ ზღვარს ტესტის რომელიმე ნაწილში და არ განსაზღვრავს კონკრეტულად რომელ 3 ნაწილში უნდა იქნეს გადალახული ზღვარი.


გასათვალისწინებელია, რომ სამართლის სამაგისტრო პროგრამაზე ჩარიცხვისათვის წინაპირობას წარმოადგენს სამართლის ბაკალავრის აკადემიური ხარისხის ქონა.


ჩარიცხვის პროცესში უნივერსიტეტი ბარიერგადალახულ აპლიკანტებს სამაგისტრო პროგრამაზე რიცხავს მხოლოდ მის მიერ დანიშნული გამოცდების შედეგების მიხედვით. მაგისტრანტობის კანდიდატი, რომელმაც წარმატებით ჩააბარა საერთო სამაგისტრო გამოცდა, უნივერსიტეტს მომართავს განცხადებით ჩარიცხვის თაობაზე და წარმოადგენს შემდეგ დოკუმენტებს:


  •  პირადობის მოწმობის ასლი
  • ავტობიოგრაფია (CV)
  • ფერადი ფოტოსურათი 1 ცალი, ზომით 3 X 4 ნაბეჭდი და ელექტრონული ვერსია დისკზე
  • სამხედრო აღრიცხვის მოწმობის ასლი (ვაჟებისათვის)
  • დიპლომის ასლი დამოწმებული ნოტარიულად დიპლომის დანართი (ასლი).


სტუდენტის სტატუსის მოსაპოვებლად მაგისტრანტობის კანდიდატმა უნდა ჩააბაროს შიდასაუნივერისტეტო გამოცდები. გამოცდა სპეციალობაში ტარდება გასაუბრების სახით, სადაც მოწმდება კანდიდატის კრიტიკული და ლოგიკური აზროვნების უნარი, მისი პიროვნული უნარ-ჩვევები, ხოლო რეგულირებადი სპეციალობების შემთხვევაში მოწმდება ასევე დარგის ცოდნა. გამოცდა ინგლისურ ენაში ტარდება ტესტირების ფორმით და კონკურსანტმა უნდა დაადასტუროს ენის ცოდნა B2 დონეზე.
როგორ ხდება მობილობა ალტე უნივერსიტეტში?

2022 - 2023 სასწავლო წლის შემოდგომის სემესტრის მობილობის წესები


მობილობისთვის რეგისტრაციის გავლა შეგიძლიათ 22 აგვისტოდან 7 სექტემბრამდე students.emis.ge -ზე.


ჩარიცხვისათვის საჭირო დოკუმენტებია:


  • განცხადება უნივერსიტეტის პრეზიდენტის სახელზე 
  • პირადობის დამადასტურებელი დოკუმენტის ასლი
  • ატესტატი / დიპლომი (ასლი)
  • სტუდენტის სასწავლო ბარათი
  • მშობლიურ უნივერსიტეტში ჩარიცხვის ბრძანების ასლი
  • ცნობა სტუდენტის სტატუსის შესახებ
  • წვევამდელის სამხედრო აღრიცხვის მოწმობის ასლი (ვაჟებისათვის)


ჩარიცხვის შემდეგ წარსადგენი დოკუმენტები:


  • ატესტატი (დედანი) / დიპლომის ნოტარიულად დამოწმებული ასლი
  • 2 ცალი ფოტოსურათი 3X4


პროგრამები და მისაღები ადგილები:


საბაკალავრო და ერთსაფეხურიანი სამედიცინო პროგრამა

პროგრამის დასახელება

ადგილები

პროგრამის სტანდარტული ფასი

ბიზნესის ადმინისტრირება

30

3950

საერთაშორისო ურთიერთობები253500

ტურიზმი

20

3500

ინგლისური ფილოლოგია

0

 2450

ჟურნალისტიკა

20

2950

სამართალი

40

2950

სამკურნალო საქმე (ინგლისურენოვანი)

10

4950

ფსიქოლოგია15 4950

სამაგისტრო პროგრამები

პროგრამის დასახელება

ადგილები

პროგრამის სტანდარტული ფასი

ბიზნესის ადმინისტრირება

10

7000

სამართალი

30

2950

ეროვნული და საერთაშორისო

უსაფრთოხება

20

4500




გაცვლითი პროგრამები

აქვს თუ არა ალტე უნივერსიტეტს გაცვლითი პროგრამები?
ალტე უნივერსიტეტს თავისი ფართო საერთაშორისო ინსტიტუციური თანამშრომლობითა და სტრატეგიული პარტნიორებით ადგილობრივ და საერთაშორისო ბაზარზე შეუძლია როგორც უცხოელი სტუდენტების, მკვლევარებისა და პროფესორების მოზიდვა, ასევე საკუთარი სტუდენტებისა და მეცნიერებისათვის უცხოური გამოცდილების შეთავაზება.

ალტე უნივერსიტეტში ფუნქციონირებს კონფუცის ინსტიტუტი, სადაც ყველა მსურველს შეუძლია დაეუფლოს ჩინურ ენას და შემდეგ   100% იანი დაფინანსებით სწვალა გააგრძელოს ჩინეთში.
 გარდა ამისა, ალტე უნივერსიტეტი გაცვლით პროგრამებს ახორციელებს ევროპის, აზიისა და კავკასიის რეგიონის პარტნიორ უნივერსიტეტებთანაც.

სტაჟირება/დასაქმების შესაძლებლობები ალტე უნივერსიტეტში

აქვს თუ არა ალტე უნივერსიტეტის სტუდენტს დასაქმების/სტაჟრების შესაძლებლობა?
ალტე უნივერსიტეტი თანამშრომლობს არაერთ კერძო კომპანიასთან და სახელმწიფო სტრუქტურასთან, სადაც უნივერსიტეტის სტუდენტებს ეძლევათ შესაძლებლობა გაიარონ სტაჟირება. სტაჟირების წარმატებით გავლის შემდეგ სტუდნეტებს აქვთ დასაქმების შესაძლებლობა.