7, 8, 9 ოქტომბერს საქართველოს ფინტექ ასოციაციის და „ალტე უნივერსიტეტის” ორგანიზებით გაიმართება ფინანსური ტექნოლოგიების ჰაკათონი „იდეების გენერაცია ფინტექში“.
ჰაკათონის მიზანი ფინანსურ ტექნოლოგიებში ინოვაციური გადაწყვეტებისა და პროდუქტების შექმნა და ახალგაზრდა ტალანტების აღმოჩენაა, რომელთაც შეუძლიათ ფინანსურ სექტორში არსებული გამოწვევების ტექნოლოგიური გზით გადაჭრა.
ჰაკათონში მონაწილეობა შეუძლიათ ნებისმიერი უმაღლესი სასწავლო დაწესებულების ბაკალავრიატის და მაგისტრატურის სტუდენტებს. (ასაკი 18-25)
პროექტისთვის ტექნიკურ დავალებას შეიმუშავებენ საქართველოს ფინტექ ასოციაციის წევრი და პარტნიორი ორგანიზაციები.
გამარჯვებულებს გადაეცემათ ფულადი ჯილდო, მათ მოწვეული ჟიური გამოავლენს, საპრიზო ფონდი 30 000 ₾ !
პირველი ადგილი - 15 000 ლარი;
მეორე ადგილი - 10 000 ლარი;
მესამე ადგილი - 5 000 ლარი
პროექტის მთავარი ფინანსური მხარდამჭერია ესტონეთის საელჩო საქართველოში ასევე ჰაკათონის ფინანსური პარტნიორია საქართველოს ინოვაციებისა და ტექნოლოგიების სააგენტო - GITA.
რეგისტრაცია მიმდინარეობს 5 ოქტომბრის ჩათვლით.
რეგისტრაციისთვის ეწვიეთ ბმულს.
