„ალტე უნივერსიტეტი“ აერთიანებს 5 სკოლას: ბიზნესის სკოლა,საინფორმაციო ტექნოლოგიების (IT) სკოლას, მედიცინის საერთაშორისო სკოლა სამართლის სკოლა და ჰუმანიტარულ და სოციალურ მეცნიერებათა სკოლა. ამჟამად უნივერსიტეტი ახორციელებს 12 აკადემიურ პროგრამას, როგორც საბაკალავრო, ასევე სამაგისტრო საფეხურებზე.
ბიზნესის სკოლა აერთიანებს ბიზნესის ადმინისტრირების და ტურიზმისა და მასპინძლობის მენეჯმენტის საბაკალავრო პროგრამებს.
ბიზნეს ადმინისტრირების საბაკალავრო პროგრამის მიზანია, სტუდენტს მისცეს ცოდნა და გამოუმუშაოს საჭირო უნარ-ჩვევები ანტრეპრენერობის, ლიდერობის, ბიზნესის ადმინისტრირების, სტრატეგიის შემუშავების, მარკეტინგის, ფინანსების და სხვა მიმართულებით,ასევე მოამზადოს მუდმივ განვითარებაზე ორიენტირებული კრეატიული აზროვნებისა და მუხტის მქონე გლობალურად კონკურენტუნარიანი ბაკალავრები.
ტურიზმის და მასპინძლობის მენეჯმენტის საბაკალავრო პროგრამა ორიენტირებულია, როგორც ადგილობრივი, ისე საერთაშორისო შრომის ბაზარზე ტურიზმის ინდუსტრიაში მოღვაწე გლობალურად კონკურენტული და მაღალკვალიფიციური სპეციალისტების (ბაკალავრების) მომზადებაზე, რომელთაც ექნებათ „მოგზაურობა, ტურიზმისა და დასვენების“ სფეროში წარმატებული საქმიანობისათვის აუცილებელი ცოდნა, პრაქტიკული უნარები და კომპეტენციები, რის შედეგადაც სტუდენტები შეძლებენ ტურიზმის სფეროში სიახლეების დანერგვასა და ქვეყანაში მისი განვითარების ხელშეწყობას.
ბიზნესისა და ტურიზმის საბაკალავრო პროგრამები სტუდენტებს სთავაზობენ:
- ანტრეპრენერობის სპეციფიკის შესწავლას პირველივე სემესტრიდან;
- Start-up გარაჟში იდეების გენერირებისა და საკუთარი ბიზნესის დაწყების შესაძლებლობას;
- სამეცნიერო კვლევებში ჩართულობას;
- ვორქშოფებს, თემატურ სემინარებს, მოწვეულ სტუმრებთან შეხვედრებსა და სხვა;
ჰუმანიტარულ და სოციალურ მეცნიერებათა სკოლაში მოქმედებს საბაკალავრო საფეხურის საგანმანათლებლო პროგრამები შემდეგი მიმართულებებით: საერთაშორისო ურთიერთობები, ჟურნალისტიკა, ინგლისური ფილოლოგია და ფსიქოლოგია.
ალტე უნივერსიტეტის საერთაშორისო ურთიერთობების საბაკალავრო პროგრამა შედგენილია საერთაშორისო შრომის ბაზრის მოთხოვნების და წამყვანი უნივერსიტეტების (ლონდონის ეკონომიკისა და პოლიტიკურ მეცნიერებათა სკოლისა - London School of Economic and Political Science და პრინსტონის საჯარო და საერთაშორისო საქმეთა სკოლის - Princeton School of Public and International Affairs) საუკეთესო პრაქტიკის გათვალისწინებითა და მაღალკვალიფიციური აკადემიური და მოწვეული პრაქტიკოსი ლექტორების მაღალი ჩართულობით.
საერთაშორისო ურთიერთობების საბაკალავრო პროგრამის მიზანია, სტუდენტს მისცეს ფართო ცოდნა საერთაშორისო ურთიერთობების ძირითადი მიმართულებებისა და გლობალური პოლიტიკის შესახებ; გამოუმუშაოს გლობალურ პოლიტიკაში არსებულ თანამედროვე აქტუალურ საკითხთა შესწავლისა და პროფესიულ ამოცანათა გადაწყვეტისათვის აუცილებელი უნარები.
საერთაშორისო ურთიერთობების საბაკალავრო პროგრამის მიზანია, სტუდენტს მისცეს ფართო ცოდნა საერთაშორისო ურთიერთობების ძირითადი მიმართულებებისა და გლობალური პოლიტიკის შესახებ; გამოუმუშაოს გლობალურ პოლიტიკაში არსებულ თანამედროვე აქტუალურ საკითხთა შესწავლისა და პროფესიულ ამოცანათა გადაწყვეტისათვის აუცილებელი უნარები.
ჟურნალისტიკის საბაკალავრო პროგრამის მიზანია, სტუდენტს მისცეს ფართო ცოდნა ჟურნალისტიკის არსის, მედიის ძირითადი პრინციპებისა და პროფესიული ეთიკის სტანდარტების შესახებ,გამოუმუშაოს ინფორმაციის მოპოვებისა და ანალიზის, ობიექტური და მიუკერძოებელი შეფასების, კრიტიკული გააზრების, კვლევისა და ეფექტიანი კომუნიკაციის უნარები.
ფსიქოლოგიის საბაკალავრო პროგრამის მიზანია, გამოუმუშაოს სტუდენტს ფსიქოლოგიის სფეროში მიღებული ცოდნის პრაქტიკულ საქმიანობაში ეფექტურად გამოყენებისა და სპეციალობით საქმიანობისთვის სხვა აუცილებელი უნარები.
ჰუმანიტარულ და სოციალურ მეცნიერებათა სკოლის საბაკალავრო პროგრამები სტუდენტს სთავაზობს:
- ინგლისური ენის გაძლიერებულ კომპონენტს;
- სამეცნიერო კვლევებში ჩართულობას;
- ვორქშოფებს, თემატურ სემინარებს, მოწვეულ სტუმრებთან შეხვედრებს და სხვა;
- პრაქტიკას როგორც კერძო, ასევე საჯარო სექტორში მოქმედ უწყებებსა თუ ორგანიზაციებში;
სამართლის საბაკალავრო პროგრამის მიზანია, სტუდენტს მისცეს ფართო ცოდნა სამართლის სისტემის ძირითადი თავისებურებების, თეორიების, ინსტიტუტების, მატერიალური და პროცესუალური სამართლის ნორმების, ძირითადი პრინციპებისა და ღირებულებების შესახებ საჯარო, სისხლის, კერძო და საერთაშორისო სამართლის მიმართულებით; გამოუმუშაოს მიღებული ცოდნის პრაქტიკაში გამოყენებისთვის საჭირო ყველა უნარი, როგორებიცაა: ანალიზის, კრიტიკული აზროვნების, პროფესიული ეთიკისა და ღირებულებების დაცვის უნარი.
სამართლის პროგრამა სტუდენტებს სთავაზობს:
- იმიტირებულ პროცესებში ჩართულობას;
- კვლევით პროექტებში ჩართულობას;
- პრაქტიკის გავლას წამყვან კერძო და საჯარო დაწესებულებებში;
- ვორქშოფებს, თემატურ სემინარებს, მოწვეულ სტუმრებთან შეხვედრებსა და სხვა;
უნივერსიტეტში ყველა პირობაა შექმნილი, რათა სტუდენტები სრულყოფილად დაეუფლონ მათ მიერ შერჩეულ პროფესიას, მიიღონ ხარისხიანი განათლება და იყვნენ კონკურენტუნარიანები, როგორც ადგილობრივ,ასევე საერთაშორისო დასაქმების ბაზარზე.
